لعلاج الثعلبه نهائيا بإذن الله

احلى مساء لاحلى سيدات
السلام عليكم ورحمه الله وبركاته
صراحه هذا الموضوع عن تجربة احد صديقاتي وحبيت انه ما يكون
عشان كذا حبيت انقل لكم تجربتها مع مرض الثعلبه
الذي دام 8 سنوات
وقد غزى ها المرض شعر الرأس فأختفى شي اسمه شعر
عالجت عند اكبر المستشفيات بالرياض وجده والمدينه
سوت حجامه
جربت الطب البديل من ثوم وغيره
اتصلت بعطارين بمصر واشترت منهم زيوت تبلغ قيمتها 700 ريال
ومافيه فايده
بس الحمدلله كان املها بالله كبير وما قنطت من رحمته
وانا متأكده ان الله لم يحرمها الا ليعطيها
ولم يمرضها الا ليشفيها
والحمدلله على هالقناعه
فقالت خلني اجرب شي من الطب البديل وبنفس الوقت حار
وان شاء الله مافيها مضره
فجلست تتصفح بالمواقع وحصلت الخل الاسود او روح الخل
فبحثت بالنت عن الثعلبه والخل الاسود
فوجدت انو فيه ناس كثير تعالجوا بالخل
وهذي طريقته ياحلوات
تحطين خل اسود بقطن وتدعكين المكان المصاب
طبعا بتحسين بحراره فضيعه
بس تحملوا
وللامانه اللي بالنت قالوا انهم جربوه بس 6 ايام متواصله وكل يوم يستخدمونه 6 مرات
وهي جربته لحد ما طلع الشعر واختفت البقع
وكانت كل يوم تستخدمه قد ما تقدر
يعني ممكن مره باليوم او مرتين او ممكن ما استخدمه
وصار لها سنه الحين كل ما تحس ان فروه راسها فيها حكه او انو تساقط شعري بداء يزيد
استخدمت الخل
والحمدلله هي الحين شعرها زين بس اتوقع ان الخل اعطى نتيجه
ونتيجه ممتازه بعد

بس ارجع واقول

الخل الاسووود او روح الخل انتاج شركه رنا والظاهر انه بريال
افضل علاج للثعلبه

وتقول بعد صرت اتفنن لاني عندي خبره (( احم احم))
فيوم كنت اتصفح النت عشان احصل علاج شعبي حااار
حصلت الخردل والعسل وغيره

فصرت الحين اسوي لي خلطه وهي خردل مطحول احط ملعقتين تقريبا
وعسل طبيعي ملعقتين
وخل اسود ملعقه
واخليهم ينقعون بماء مغلي (بس نقع) لحد ما يصير الماء دافي
واجيب قطن واحط عليها من هالخلطه وادعك بشعري
بعدها كنت احس بحراره براسي لمده ربع ساعه بعدها يبرد
واغسله بعد ساعتين
والله انو مو بس يقل التساقط
الا بعد يصير شعري ناعم بس ريحته الله يعينكم عليها
بس لا تخافون الريحه تروح بعد يومين
طبعا هالخلطه احطها كل اسبوع مره او كل اسبوعين
واوقف استخدامه لما احس انو شعري صار ما يتساقط

........................................
اتمنى هالموضوع يفيدكم
بس ابي منكم تدعون لي ان الله ما يحرمني من نعمه
ويبعد عني شر الحساد يارب
ويبعد الهم والنكد من حياتي ويفرج همي قولوا امين
وجزاكم الله خير وعذرا للاطاله ^_^
واللي عندها ثعلبه او تعرف احد عنده ثعلبه خل يستخدمون الخل الاسود
ويقولون لنا عن النتائج